៙ គ្រឿងផ្សំ ៖
១- ទាកាប៉ា ១ ក្បាល កាប់ជាដុំកុំតូចពេក
២- ផ្កាចេកក្រៀម ៥០ ក្រាម ត្រាំទឹកឲ្យទន់ចងគួច
៣- ស្លឹកខ្ទឹម ២ ដើមហាន់ ឬឆូតជាក្បាច់ខាងចុងស្លឹក
៤- ខ្ទឹមស ៣-៤ កំពឹស
៥- ទឹកស៊ុបមាន់ខាប់ ១-២ ស្លាបព្រាបាយ
៦- ទឹកត្រី ២ ស្លាបព្រាបាយ
៧- អំបិល កន្លះស្លាបព្រាកាហ្វេ
៨- ស្ករស បន្តិច
៩- ប៊ីចេង បន្តិច
៙ វិធីធ្វើ ៖
១- ដំបូងយកទាដែលបានកាប់ជាដុំៗដាក់ស្រុះទឹកក្តៅ ២៥-៣០ នាទី រួចហើយស្រង់វាយកមកលាងទឹកត្រជាក់វិញ។
២- បន្ទាប់មកយកទានោះមកដាក់រំងាស់ រហូតទាល់តែផុយ(កុំបង្ខំភ្លើង)។
៣- នៅពេលដែលទាផុយហើយត្រូវដាក់ ខ្ទឹមស, ទឹកស៊ុបមាន់ខាប់, ទឹកត្រី, អំបិល, ស្ករស, ប៊ីចេង និងផ្កាចេកកូរច្របល់បញ្ចូលគ្នា។
៤- ទុករំងាស់មួយសន្ទុះទៀត នៅពេលដួសដាក់ចានញ៉ាំត្រូវបន្ថែមស្លឹកខ្ទឹមពីលើ ជាការស្រេច៕
